ابتدي باسم الله شعري .. واتلذذ بالذِكِر
واقتدي باللي بهديه .. ما بقى درب لْوَثَن
•••••••
اسْكن بدارٍ سِكنها .. ومااتوانى بالشُكُر
للاله اللي حَبَاني من سِعة فضله : وطن
•••••••
افتدي رمله بروحي .. يابِسّه عندي خَضَر
بوصلة [ أمْني ] اتجاهه : ما يداولها الزمن
•••••••
أرتدي [ عِزّه ] عباية : واتَنقّب به [ طُهر ]
واقْصد فْـ مشيي مهابة .. وبْرَحَابّه اتِّزن
•••••••
يا وطن في راحتينك : لي سنابل من فِكر
كل ما تمسح جبينك .. في ميادينك زَهَن
•••••••
ارتقي بمجدك [ بلادي ] للمعالي ، وبْحَذَر
احبط عزوم الاعادي .. وافصم رقاب الفتن
•••••••
من صغر سني وقلبي : عانقك شرعه فخر
ما على نبضه غشاوة .. ولا تلاقفه الوَهَن
•••••••
افتح زرار المشاعر .. واطْلِق ابيات وصور
وآآآتَخَيّلْنِّي حمامة .. وانْتقي طُهرك غُصُن
•••••••
جنّة الدنيا [ بلادي ] .. ولو توسدت الحجر
ماني في حُبك حيادي ولاني في حقك مَرِن
•••••••
من سَنَا حَزْم المؤسس : واحنا في ظِله زُمَر
كل ما فينا [ ترسّخ ] : مِن فضل شُكر المِنن
•••••••
[ سيّدي سلمان ] عونك .. كلنا كتف وظهر
من صحاري نجد ، ليني يالقرى ، لين المُدُن
•••••••
يا [ ولِّي الأمر ] أمرك : طاعتك : ربي أمر
لانحنى ظهرك تلاقي : في استقامتنا رَهَن
•••••••
يا [ أحبك ] أو [ أحبك ] بينهم ؛ مالي مقر
ما أبالغ بانتمائي .. هذي روح .. وذا بَدَن
•••••••
نبذر أحلامك .. ونلقى : ماطى نِيّاتك مطر
ألف باسم الله .. وحاشا : ما يخيّب فيه ظن
•••••••
ممتلي صدري : ولكن : ما وصل هام الشعر
أكتب وأمسح واعاود .. يا عسى لْمجده رِقَن
••••••••••••••••••••••••••••••••
ســـــدم