في مثل هذا اليوم

يسترجع التاريخ سيره والمسيره للامام..
من كل عام نراجع الامجاد في تاريخ يوم..

يوم اقبلت واستقبلت عبدالعزيز ابن الامام..
المملكه عذرا ولبسها الفخر لبس الهدوم..

نادى المنادي في الرياض العاصمه والحظ قام..
الملك لله ثم لمعزي عسى عزه يدوم..

بالسيف رجع حكم جده وابتدى سل الحسام..
في دعوة التوحيد يوم ان الجهل عم العموم..

يوم القبايل مع بعضها في تناحر واصتدام
قومٍ تصبح قوم وبوقت المسا تهجد بقوم..

حتى انتهض صقر الجزيره في الجزيره ثم حام..
واسدل جناحين العداله والامن صقراً يحوم..

اجزم على هدم البدع واعزم على نشر السلام..
وبالفعل وحدها على التوحيد وابليس امهزوم..

نارٍ توقد من سناها نورٍ يفج الظلام..
نور الهدى والنار حيه للمعادي والخصوم..

ومن بعده عياله على نهجه ودام العز دام..
والرايه الخفاقه ترفرف على متن الغيوم..

واليوم نفخر بالوطن واليا فرحنا مانلام..
الله يلوم اللي على حب الوطن فينا يلوم..

المملكه في عهد سلمان الحزم غاية مرام..
في الارض لكن كنها بين الكواكب والنجوم..

عهد التقدم والتطور والرخا والاهتمام..
عهد الحزم والعزم من عادة قويين العزوم..

ورؤية ولي العهد ترقى بالوطن فوق الغمام..
ملامح المستقبل المشرق نشوفه في نيوم..

بين الملك والمملكه واشعوبها قصة غرام..
مضمونها عهد و ولاء تبقى مع الايام دوم..

حبٍ حقيقي في الضماير مايباع ولا يسام..
مايفهمون الحب تجار الذمم واللي يسوم..

نارد على حوض المنايا مثل ميراد الحيام..
نصد ونرد العدو ويتوب من زرق السهوم..

ياموطني يكفيك عزه خدمة البيت الحرام..
يادولة التوحيد والتمجيد في كل العلوم..

في مثل هذا اليوم نفرح بالوطن في كل عام..
يسترجع التاريخ سيرة والمسيره مجد يوم..

أنور عبدالعزيز الشيخ