لا هبت الهيجا
لاهبت الهيجا و للعلم صادوف
كلٍ يشوقه للمعارك جننها
*****
و إنجاتكم تكفى على صنع معروف
اياك ثم اياك لا تميل عنها
*****
الطيب الطيب ترا الطيب مخلوف
راع الجميله من عملها ضمنها
*****
افزع لها لو قالوا الدرب محفوف
الناس فالفزعات ربي يعنها
*****
احذر من الطالات لاتسير محذوف
من شامها ولا لاقالوا يمنها
*****
سوق القدم لو كان لك ساق معكوف
و النفس عن بعض الهلافيت صنها
*****
حنا لدولتنا دواريع و سيوف
يومٍ رهن سيوفها في سننها
*****
لا قال أبو فيصل وقفنا له صفوف
ماهمنا هرج العلوج و عفنها
*****
المملكة في قلوبنا داخل الجوف
يخسى العميل اللي يدور فتنها
*****
من دون وحدتنا لها الصدر مكشوف
و الروح ماتسأل سلامة بدنها
*****
ياجاهلٍ عنا لك عيون ماتشوف
و عقولكم في دبرة اللي شحنها
*****
من جاء حدود المملكة عاد ملفوف
في قطعةٍ قالو عليها كفنها
*****
و لا مكبل بالسلاسل و مصفوف
هذا جزا للخاينين الوطنها
______________________________________________
خليفة المزروعي الحربي