دق هاجوس القصايد و ابتدا بدع القصيد
يا هجوس الشعر جملني مع أفراح القبيله
******
بكتب أبياتٍ على عز و فخر و اليوم عيد
و تطاول للثريا و انحت بيوتٍ جزيله
******
مرحبا باللي لفونا من قريب و من بعيد
مرحبا و أعداد برقٍ لاح في جوف المخيله
******
في حفل راع الجمايل راعي الفعل الفريد
مشعل اللي بالمواقف من رياجيل الجميله
******
الكرم موروث جدّه شيك مفتوح الرصيد
و الفراسة و الدهاه و عاشقٍ للمستحيله
******
كل أبوهـــا تجتمع في ولـــــد عبدالمجيد
الصفات مورّثه من جيل جده لين جيله
******
أشهد أن البشت يزهى راعي المجد التليد
و الرجال أهل الأشده كل أبوهم شاهديله
******
و لاني بناسي شيخنا و أبصم على العلم الأكيد
فواز فخر للقبيله كل حملةٍ يرتكيله
******
من البشور أهل الوفا فرسان فاليوم الشديد
كاسبين الأوله و الطايله بأهون وسيله
******
أفخر بربعي لهم بين العرب فعلٍ مجيد
أهل الخيول المسرجه و أهل المواقيف النبيله
******
تهوى الخطر و مطوعة راس المكابر و العنيد
تظهر ليا من الزناد احتك في راس الفتيله
******
و كل شاعر مافدى ربعه بدمه و الوريد
لا يعد الشعر من حظه و لايمكن يجيله
******
و ختامها صلوا على محمد شفيعٍ للعبيد
خاتم رسولٍ بالرساله عدل اللي فيه ميله
__________________________________________
محمد البشري (فارس بشر)
