يا شِعْرِي اللي ماكسبت بنظم قافيك الريال
ولا عرضتك للمزاد وسوق بيع ومشترا
*******
يكفيني أني كاسب بشعري لتقدير الرجال
اللي تقدمني و أنا قدامها مارجع ورا
*******
ولا تنحرت القصائد طالب شهره ومال
من دون ربعي فالمواقف بين ماد ومنبرا
*******
أصوغ من فكري مثايل فالشعر مضرب مثال
وأنطق كلام الصدق مانطق بالكلام المفترا
*******
وليا وردت العد أصدر مرتوي عذب زلال
وليا مدحت أمدح رجال الطيب ماحب الزرا
*******
وفي مثل هالليله نقدم فالمقام أفضل مقال
وفي مثل هالليله يطيب الشعر والطاري طرا
*******
يامرحبا في محفل أهل الطيب سمحين القبال
ترحيبة من طيبها تمزج بمسك و عنبرا
*******
باسم الرجال اللي كرمهم يكرم إكرام السبال
تقلط على قولة هلا من قبل تقلط للقرا
*******
بالعود الأزرق ينطحون الضيف وقتاد الدلال
اللي يفوح الكيف منها هيله وبن اشقرا
*******
عاداتنا من سابق عهود الجدود ولا تزال
والي مضرا بالعلوم الطيبه فيها ضرا
*******
وللشيخ أبو عبدالعزيز تساق الأبيات الجزال
حر تنومسنا مطاليعه على روس القرا
*******
الشيخ عبدالمحسن اللي صال فالطالة وجال
من طيب صيته ماتصاحبه إلا مشايخ وومرا
*******
من روس قوم للحمول تنوخ ظهور الجمال
عوق العدو ستر العذرا فالزمان الغبرا
*******
ماهم بحيد ولا طرف إلا مثل شم الجبال
اللي مواقفهم تعادل ضلع ورقان وكرا
*******
روس الزعامه والكرامه والفخر طول الليال
العزوه اللي فالزمن بمجادهم كلٍ درا
*******
من حقي أفخر وأتباهى وأفتخر في كل حال
الله يبارك فالقصور اللي لها في وذرا
*******
مبروك يا عبدالعزيز الله يرزقك العيال
اللي مثل جدك وبوك اللي يردون البرا
*******
وختامها صلوا عدد ما لاح براق الخيالي
على النبي المصطفى خير البرية والورى
——————————————————
أنور عبد العزيز الشيخ