خل المزاح ودرك الجد ذحين
ركز معي واسمع معاني خطابي
وياقلب باقيلي على عمر عشرين
أربع شهور وزود عارف حسابي
******
ذحين اي ذحين لا تقول بعدين
العمر تمشي سرعته بانسيابي
ولجل الفعايل في حياة المسنين
ذكرى فعايلهم نهار الشبابي
******
سير فـ دروب المجد سير السلاطين
بالعز دايم لا تذل وتهابي
لا دارت الدنيا وغدت صادها سين
كما شروق الشمس فوق الهضابي
******
والطيب لو مايرفع الرجل ميهين
في نظرة أهل الطيب بالطيب ثابي
لا تغترر يا كان عندك ملايين
لو كنت تملك ناطحات السحابي
******
إياك تنسى الله خلق آدم بطين
يعني سوا مانختلف من ترابي
إلا بتقوى الله لاشك والدين
فالاخرة يوجد ثواب وعقابي
******
ولعطيت لاتحسب وخاو الميامين
على النقاء في جيتك والذهابي
والصاحب الصاحب ولو يطلب العين
لتخيبه ياقف معك فالصعابي
******
والضعيف له واجب ولو كان بالدين
مالك عذر وقراه يمه يجابي
والجار وصابه ختام النبيين
عامله بالحسنى وطيب الادابي
******
افطن وميز تلاقي فـ مين و فـ مين
والفرق شاسع بين بوم وعقابي
وإن جاك علمٍ وكده وافحصه زين
هرج العواذل مثل سم الدوابي
******
ياما وياما فرقوا بين المحبين
وياكم قصرنا صار منهم خرابي
أبعد بعيد ولا تقرب رديين
نور القمر منخفضة طيبة شهابي
******
ولخطيت لاتكابر يسمونك الشين
ترا العذر بعد الخطايا صوابي
والعلم نور و نوره فـ وجهك يبين
وأخير صديق فزمانك كتابي
******
العلم يرقابك فـ كل الميادين
والجهل هل تعلم عطيتك جوابي
ولا تضعف فـ وجه المقادير وتلين
لا تنحني واصبر وخلك إيجابي
******
مادام تمشي في دروب المصلين
الخير في وجهك مع كل بابي
***********************************
فهد طالع الغانمي