جيت المكان .. ولهفتي تدفع خْطاي
وقلبي بعذره لو يجي بـ إندفاعه !
••••••
لـ الموعد اللي جابني له من أقصاي
الشوق ، وأشواقي لشوفك مُطاعه
••••••
يا وجه أحبببه ، وأذكره بـ أوّل دعاي
وينك ؟ ما عندي في غيابك مناعة
••••••
جيتك على الموعد ، وخلّيت دنياي
راع الوعد .. واللي مُواعدْك راعه !
••••••
وما بين جاي .. وبين لا ماهو بـ جاي
ضااااق المدى فيني برغم إتساعه
••••••
وجلست أفكّر .. وأتساءل وش الراي ؟
في حلمي اللي صرت أخشى ضياعة
••••••
وش ذنب قلبي بـ إنتظاري وهقواي
لي ساعة أنتظْره ولا أشرق شعاعة
••••••
وبغمرة التفكير فاجأني بـ : هااااي
وتعاااانقت روحين عقب القطااااعة
••••••
وناظرت فـ : الساعة قبل يبدي حكاي
وأثري على الموعد سبقته بساعة !!
•••••• •••••• •••••• •••••• •••••• •••••• ••••••
مشاري بن متعب