عزيزي ترامب

عزيزي ترامب .. مرحبا بك في مضارب ديار البيت الأبيض .. يقولون أنك تكره المسلمين وكأن اللي قبلك واللي بعدك يعشقون المسلمين..

أنا أحد المعجبين بك من ولاية غرانتكو سيتي ، وبما أن الهوى غلاب على قول الست أحس أني متفائل بك ..

أعترف أن التاشيرة معي منذ أربع سنوات ولم أتشرف بدخول دياركم منتظر تشريفكم البيت الأبيض .. لكن خايف من قدر الضغط يسبب لي مشكله على حدودكم .. 

يعرف سيادتكم أن السعودي عنده ضغطين .. واحد داخلي مايخصك .. وخارجي عبارة عن قدر ياخذه معه في حله وترحاله .. وأخاف سيادتكم لو حصلت لي مشكله ماترد على جوالك مثل ربعنا ..

عزيزي ترامب .. لن أحدثك عن القدس فهي منسية من زمان لكن بوصيك على عيالنا عندك ترى في عهد ابن حسين كل شوي منسدح لنا رجال والقضية ضد مجهول .. وإذا أنت مسوي فيها رجال وتضرب بيد من حديد – العبارة الأخيرة مرت علي وين وين ؟؟ – آه .. وزارة العمل بدت تقولها .. انتبه لهم وأنت مسؤول عنهم ما دام على أرضك . أما انك تبغى تطردهم تعوذ من إبليس !!

عزيزي ترامب .. ماودك تضرب حلب ترى باقي بيت شعبي لسه واقف على حيله .. بوتن الخسيس ما انتبه له ..

عزيزي ترامب .. يقولون عندك شقق على كيف كيفك .. أحصل عندك غرفتين وصاله بس تسليم فوري ، ولا تقول فِكِر ما فكر ترى ضغطي الداخلي ما يتحمل.

عبدالله الصحفي