مشاركة الشاعر دخيل عطاالله الغانمي في حفل اليوم العالمي للدفاع المدني بالجموم.
نعمين يارجل ليا حان الخطر
كل من نخاه ودوره والتجاله
•••••••
جندي وراسه ممتلي عزم وسطر
يوم اشتعال النار شفت اشتعاله
•••••••
عزمه يفل الصلب ويهد الصخر
ومن قوته ماشي ياقف قباله
•••••••
واليوم من تقدير جهده والفخر
جينا معاه نشاركه فـ احتفاله
•••••••
يادارنا تبقى معزز معتبر
والشر زايل عنك وأهل الجهاله
•••••••
يادارنا لك حق نجهر به جهر
إنا حماتك ياوطن لا محاله
•••••••
في ظل قايد عند شعبه له قدر
سلمان سلمان العزم والبساله
•••••••
والنايب الأول كما صقرٍ شهر
وجاب الثمينه ياعسى الطيب فاله
•••••••
محمد ابن نايف صميدع مشتهر
كل شي لا قاله من العزم طاله
•••••••
والنايب الثاني لعدوانه دحر
راع الطناخة والسطر والجزاله
•••••••
محمد ولد سلمان نبعٍ للنهر
له رؤيةٍ تشهد وتشهد فعاله
•••••••
هذا كلام الشاعر اللي بالشعر
لا قال جاب الجزل في كل حاله
•••••••
قلته عن أهل المعرفه وأهل الفكر
اللي لهم فـ العلم منهج وطاله
•••••••
في يوم الدفاع أقولها شعر ونثر
احم الوطن يارب وأحفظ رجاله
•••••••
والخاتمة صلوا على خير البشر
نبينا المبعوث بصدق رسالة
••••••• ••••••• ••••••• ••••••• •••••• •••••••
الشاعر : دخيل عطاالله الغانمي
