يا قلب لا يحزنك ما فات

بعض القرايح تجيب ابيات
مضمونها مثل الذهب غالي
وبعض القوافي تجيب شتات
وترفع الضغط للعالي

ههههه
لا تزعل مني يا ابو محمد حبيت امزح معاك شوي

وناخذ لنا معك كم دور

هههههههههه
استمخ من المحاورات الشعريه
وانا كمان بشاركم المحاوره

شكيل عسى مثواك للجنات
وبأمثالك الوقت يحلى لي
يصفى مزاجك مع الخلطات
وتنظم مع التلييس موالي
ونيت عندك مع دينات
وحساب مافيه ولا ريالي
ارحم زمان الصبا ومافات
حنا بزمان الفكر خالي

اجناس فالمجتمع عاهات
مثل الخفافيش في جبالي
فالقول ماتسلم الزلات
مجهولة العم والخالي
متخفيه معظم اﻷوقات
تسرح وتمرح ولا تبالي
نطلب من اهل الفضاء ساحات
من الفايروس جوها خالي

رد جميل جداً من الشاعر رازن الصحفي ابو حسان ::::

مافات ياعاذلي ما مات….
ما يروح دايم على بالي،،
يرفع ويخفض لي الدقات….
ولاظنتي الوقت يصفالي،،

الأخ تركي ارجو ان تهجر الشعر وتلتفت الى غيره لأنك تسيء لٳسم الشعر والشعراء

والله ماذبح المواهب الا هالردود
اجل شعر الاخ تركي يسيء لإسم الشعر والشعراء
بالعكس اشوف الاخ تركي شاعر صاعد ويستحق الدعم
كل الشعراء في بدايتهم لم يوفقو في بعض قصائدهم ولكن مع الوقت اصبحو من من يشار لهم بالبنان
لا نظلم مواهب ديرتنا ببعض الردود الغير منطقيه
نفخر بكل شخص يحمل بين ثناياه موهبه ويحاول تنميتها ويجب ان يشاد به وهناك الكثير من هذه الامثله

واقول للاخ تركي استمر والله يوفقك

تحياتي

لا والله ما يذبحها الا المجاملات والشاعر الموهوب تظهر عليه الموهبة من صغره مو يوم يصير عمره 40 يبدأ يجيك بشعر يفتقر الى ابسط الابجديات
ارجو ان تقارن بين شعراؤنا وشعراء خليص وتشوف الفرق وبتعرف ان شعراؤنا يسيئون للشعر من تكسير للأوزان وتغليب للقافية على حساب المعنى

كسرتن راس مالها بيتين
شلون حكمت انها ماهي موزونه

من وجهة نظري الكسره مابها عذروب

بعدين وش ودانا لخليص
خشمك منك لو انه عوج
لاتقارنا بأحد
تبي تقارن شوف الشعار الخليجيين بصفه عامه
وعلى راسهم ابن فطيس والشبرمي و العازمي وغيرهم كثر
يوم يسرد ابياته ماودك يسكت

هذي احدى روائع ابن فطيس

بعض العرب حبه يـوردك الجنـون
ولا يوصف لـه غـلاه حكـاك لـه 
مايقنعه وسط الغلا لـو وش يكـون
لو كل حرف بالحريـر يحـاك لـه 

الموت جاك وهـو تقلبـه الضنـون
ولا لـك الا الصبـر وش وداك لـه 
ان قلت ضايق قـال هونهـا تهـون
مايدري ان ضيقتك لـه وبكـاك لـه 

تقعد تحبه وانـت ساكـت ومغبـون
يمكـن بيـوم يقـال مااوفـاك لـه 
وكانك مشكك هو يمون او ما يمـون
تخيل ان عفت الصبـر فرقـاك لـه

غلا ومن فوق الغـلا ماهـوب دون
حكاه سمعك يجبـرك بأرخـاك لـه 
ودك تحطه في العيون مـن العيـون
وتبسط على رمضا الثرى يمناك لـه 

وتظله من الشمس في ظل الجفـون
ولا يمـر اذنـه سـوى لبـاك لـه 
وتسج من غيره لو انهـم يذكـرون
ومنين ماسجت القـدم ممشـاك لـه 

غرو يميله التـرف ميـل الغصـون
غصنً ميال و مكرمه باسقـاك لـه 
جديله اليا اقفى ستـر منـه المتـون
كني بريحه لا ألتفـت لأدعـاك لـه

كيك وعسل لكن ماهو في صحـون
و دعاك من عين الحسود غطاك لـه 
الله لايعطـيـه نــاسً ينضـلـون
و يستر عليه مـن النحـل لا ياكلـه 

الوصف والتعبير في وصفـه يهـون
غير اطلب الله يستجيب دعـاك لـه
وعذال قلبـك فـي محبتـه يهبـون
سكينهم عـن قطـع حبلـه حاكلـه 

ناس عن اعراض العرب مايعرضون
ودايم على نفـس الشكـل والشاكلـه 
اللـي مـن لحـوم الاوادم ياكلـون
وحلوقهـم دفـع البـلاء متواكـلـه 

في سلمهم اولى بالاكـل الاقربـون
واطيبهم اللي صيدتـه شكـواك لـه 
عازمهم الشيطـان للذنـب ويجـون
هـذا يقطـع لــه وذاك يواكـلـه 

ياجعلهم فدوة ثـرا الغـض الفتـون
اللي على الدرب الطويل خطاك لـه 
طيفه الى نام البشـر زارك بهـون
وطيفك الى نام البشـر سـراك لـه 

حبه دفان ومقبرة خضـر الطعـون
بين العظـام العـوج كنـك ناكلـه 
اللي كذا حبـه لـو تمـوت مغبـون
ولا لـك الا الصبـر وش وداك له

وبالنهايه اللي يحاول ويجتهد يستحق الشكر