قصيدة ترحيبية ألقيت بمناسبة ضيافة محافظ خليص الأستاذ سلطان بن ناصر آل معمر ، لدى عضو المجلس البلدي الأستاذ عبدالعالي فالح الصحفي .
ياهاجس الأشعار جيب الفرايد
وأنقى من جزال المعاني والأشعار
*******
والطيب سوقه مثل طيف النوايد
ذعذبه الغربي على كل الأزهار
*******
ثم قدمه لرجال ذخر وسنايد
يامرحبا ترحيب وافي ومقدار
*******
يامرحبا ترحيب غالي الوجايد
عداد وبل الغيث ونزول الأمطار
*******
ما ينقطع وبله ومزنه رعايد
ونواض برقه فالبحر يلمع أنوار
*******
ثم خرج مزونه على البر قايد
يسقي جبال وبر ثم عم الأمدار
*******
يامرحبا ماتنحصي بالعدايد
وأغلى من الألماس في عقد الأدرار
*******
يابن معمر يازعيم الشدايد
سابق ولاحق يوم عسرات الأدهار
*******
من عهد أبوتركي وسيع البنايد
يوم ارتكى للحمل جدك وبه سار
*******
ولا للحمول إلا جملها وكايد
ولا للشداد إلا لرجال هودار
*******
حطه على الفرسان فارس وقايد
في يوم جدة يوم شدات وحصار
*******
تنشر له البيضا وطيب المجايد
تاريخ يبقى للوطن مجد وشعار
*******
وهذا الصقر نسل الصقر فالهدايد
سلطان سلطان الفخر حي ذا البار
*******
يامرحبا قلته وأقوله جدايد
الله يحيكم على كيف وبهار
*******
وتكميل للضيفان حسب العوايد
وحلو النبا للضيوفنا وكل خطار
*******
في مجلس أهل العز رؤوس القوايد
ذخر الرجال اللي على رؤوس الأوكار
*******
شيخٍ شهير وشهرته بن رايد
أمير له مركز وله عز محضار
*******
فالح ابن رايد على قصر شايد
عبدالعزيز اللي كتبله على الدار
*******
هذا كلام الصدق ماجبت زايد
ومن راجع التاريخ يقرا بالأمهار
*******
ونجله أبوخالد شوير السدايد
حطوه فالمجلس جويدٍ الأشوار
*******
يخدم وطنا بكل عزم وجهايد
رجال في ربعه وجيد ومغوار
*******
وربعي الصحاف أهل القصور الشوايد
أمجادهم تبقى على طول الأعمار
*******
تاريخهم ماينحصي بالقصايد
جيلٍ وراء جيلٍ وللعلم خبار
*******
عزوة زبيد وحرب للاسم سايد
دون الوطن بأرواحنا صغار وكبار
*******
و لآل السعود العهد من كل كايد
كيدٍ على العدوان لوصار ماصار
*******
في رقابنا بيعة على كل حايد
انريعه وأنرجعه غصب وإصرار
*******
ماعندنا فالمملكة أية حوايد
لو أنه قريب نسقيه الأمرار
*******
شبابنا أنتم فخرنا وعمايد
أمن الوطن أمنه عليكم يالأحرار
*******
والشعب كله للوطن مايحايد
حضرٍ مع البدوان من كل الأقطار
*******
هذه الحقيقة دون شك وزوايد
هذا الوطن غالي ولاتجيبه أسعار
*******
وصلوا على المختار راعي الحمايد
وصلاة ربي للنبي سر وجهار
…………………………………………………………
بسام عبدالرزاق الصحفي