ياكثر ماقالوا عن العرف والجاه
وياكثر ماصاغوا عليه المعاني
******
كثرت علينا فالمراجل مباباه
ماكنه إلا جنة الله عياني
******
كلٍ يعجنه ثم يهتّه مهذراه
وكلٍ يقول ويدعي باللساني
******
أحدٍ بطرقه يبدع القاف مبناه
واحدٍ هشيره واحد فيه الهواني
******
وأحدٍ على عرشه تربع بمركاه
واحدن وضيعٍ بانحطاط المكاني
******
واحدٍ لعين وشوفة الله تقداه
واحدٍ ورى المثاني هو علم ثاني
******
أحدٍ بجاه ابوه وذكره له الجاه
واحدٍ لذكر ابوه يححيه ثاني
******
واحدٍ بهيمه كنه العنز والشاه
واحدٍ ملك منطق وسحر البياني
******
واحدٍ جهيمه للبشوت المضفّاه
جهمة بعير وعقل ورعٍ بثاني
******
المرجله ماهي في ذره ولا نواه
ولاهي بفك رموز من غمغماني
******
المرجله فالصدق صدقك مع الله
واخلاص نيه ماتزعزع ثواني
******
المرجله للوالدين انذل ذلاه
باقدامهم منصبك ورفعه وشاني
******
وجه بشوش وبالبساطه محلّاه
ونفوس شفافه ولو هي تعاني
******
والمرجله سماحة نفس وملاقاه
ولاهي مهايط شعر فالهيلماني
******
سوء الفهم معول يبيّن بفحواه
سريع مفعوله بلحظة ثواني
******
عند المشاكل يكشف الرجل وسواه
ويبين اللحيه وصدق الايماني
******
بعض البشر يعجبك هرجه ومبداه
وعند المخاصم فالعداوه مفاني
******
صلوا على المبعوث رحمه ومنجاه
نبينا المبعوث عد الثواني