بالناس يا خوك ما نجهل
كل رجل ما نجهل احواله
*****
الصادق الوافي الاكمل
رجلاً وتشهد له افعاله
*****
اوفيه زي ما وفاء واشكل
وزيد انا زود مكياله
*****
وليا طلب مطلبه يكمل
شرواه لابد نعناله
*****
بين البشر دايم الافضل
وتميزة طيبة اعماله
*****
وراع الردى لو تردى وزل
ما نشغل البال بحثاله
*****
اعطه على ما يقول اشكل
ذولا يعدون شياله
*****
وراع المصالح لاجاك يطل
منكم يبى شي يسعى له
*****
وليا قضى حاجته يرحل
ثم يختفي عنك باشغاله
*****
والبعض كله نفاق وغل
بيسوي لنفسه ا هاله
*****
لو تسمع القول يوم يهل
ويعجبك هرجه وما قاله
*****
والقول عكس الفعول يدل
متناقضة كلها اقواله
*****
والبعض صادق في قوله كل
ولا يضمر اشياء في باله
*****
يعجبك لصار معكم خل
في حلحلت وضع واشكاله
*****
تلقاه وقت الصعاب يحل
والحمل مهما ثقل شاله
*****
والبعض من البخل ابخل
لو الهوى يشال يشتاله
*****
لو هو ملك له قصر وفلل
اهم لا عنده رياله
*****
وده لكل ما يبى يحصل
ولا يدفع ريال من ماله
*****
دايم على غيره يمثل
يفكر ،، الناس ،، محتاله
*****
والبعض في المجتمع لا حل
عكر صفا المجلس وزاله
*****
سوالفه كلها تنمل
ودوم المشاريه مواله
*****
ولو وقتها من قديم وزل
ما تنسي دوم في باله
*****
حتى لو ان الامر قد حل
في حينه وانتهى جداله
*****
يعيدها السلفه ويعل
قلبك بتكرار ما قاله
*****
والبعض هرجه قليل يدل
هو مزبن الكل يلجى له
*****
لا زاد ثقل الثقيله اثقل
اللي ما ينحل حلاله
*****
هذي صفات الرجال وسل
من عاصر الوقت ورجاله
*****
يشرح لك الوضع ويفصل
من خبرة ايام ولياليه
*****
وجهة نظر عامة تشمل
ما خص لي واحد لحاله
———
بدر سالم الشيخ