نحمد الله اللي حيانا ، ثم هدانا ، ثم اعان
قمنا شهر الصوم كله … لين مَكْمل عدّته
يا عسى عيدك مبارك .. يا عسى فزنا بجنان
كل عام وقلبك ” أسعد ” .. من سنينٍ مرّته
ممتلي بك قلبي حتى .. لو فضا منك المكان
ما فضى منك شعوري .. دامك انتَ نبضته !
وان حصل مرة افترقنا : وش تغيّر ؟ من زمان
وانا من قبلك ” هلاله .. فيني اول طلعته !
عيدي بالنسبالي يعني : فرحتي بصوم رْمضان
واللي راح أو جا ” عوافي .. ما شعرت بخرمته
لا ظروف الوقت تقدر .. لا ” ولا جرحك كمان
يعني هذا العيد عيدي .. منهو يسرق فرحته ؟
وانتَ لا تَنْبِش حنينك .. تطلق لحزنك عنان
لا تِذَكّر من عبر بك .. أو تباكى فقدته !
من وَحَش قلبك كلامه .. اعتبر صوته بنان
يرسم فْـ قربك زوايا .. من ملامح صورته !
دامك فْـ سربك معافى ، وحولك الدنيا أمان ؟
ما على قلبك مخافه .. ولا له عذر لحسرته !
°°°°°°°°°°°°°°°°°°°°°°°°°°°°°°°°°°°°°°°°°°
ســـــدم