(( واحســـــــــــــــــــــافـــه ))

واحسافه على اللي شاف نفسه عليّه
يحسبنّي خسرته ما درى انّه خسرني

********

ما أقدر اقول فيني ما بقى له بقيّه
كان له ودّ يومنّه بودّه غمرني

********

بس لو همت به كقيس فالعامريّه
لو سهرته ليال ولو ليالي سهرني

********

الهيام بحدود وبه حدودي هنيّه
لا يفكر في يوم اخضعله ويأتمرني

********

دام غيري تهيّا وراح له واهنيّه
شاكر مقدرّ ايامه يا لو ما شكرني

********

بعْدْ قفتّ رحاله مالنا فيه نيّه
سهلّ الله على اللي بُعدهم ما عسرني

********

بس قولوله اِنسى لِن بغى يردّ ليّه
حيث أنا ما أقدر أنسى إنّه نسي لو ذكرني

********

خبّروه إنّ غيره فالمعاشيق ميّه
ما اِحتكر قلبي الا ودّ قلب اِحتكرني

********

من تخيرّ سوايه ماله إلا السويّه
طبع فيني ما أعبرّ حيّ ما يعتبرني

********

نصّ حسنة بحسنة ؛ ونصّ سيّة بسيّة
فالوفا ما قدرني ، فالجفا ما قدرني

********

مدّ كفي نديّه للكفوف النديّه
والشحيحه شحيحة جبرها ما كسرني

********

وجد حالي على اللي خوتّة شاذليّة
كيفها بلا تمام ؛ قدوعها تمر برني

********

ذاك شمس الظروف إنْ عمدتّ صار فيّة
مثل فيّة “شفا بلقرن” من فرع قرني

حسن علي الحجيري

@hassanor