احترت في طبعك وفي مصافح اليد
ليش السلام أصبح من أطراف يدك
•••••••••••
تشوف الرسايل وتقراها ولاترد
وقلبي يتابع ينتظر بس ردك
•••••••••••
من عَلّمَك لعبة الهجران والصد
من لبّسك هندام ما هو بقدك
•••••••••••
ساعة تمازحني وساعات من جد
تفرض علىّ الموت في نار صدك
•••••••••••
ويوم اسألك ليش اتكبر على الود
تقول لي كورونا حداني وحدك
•••••••••••
خلك بعيد وخلني من ورا الحد
وخل التحية بالنظر مرسول ودك
•••••••••••
لا عاده الله ولا عاد له مد
اللى حرمني شوفة انوار خدك
•••••••••••
بين الخلايق سمعته ما لها حد
وبين الضحايا يختفي عدي وعدك
•••••••••••
ودينك ترى ياكرونا مسدد
بكرة اللقاح يجيك لا عند حدك
•••••••••••
وبتنتهي وتموت مذموم ملحد
لا حق كرونا الخنازير جدك
•••••••••••
واسمع ترى قولي وعلمي مشدد
كل الاطبا والعقاقير ضدك
•••••••••••
وساعة زوالك بعتبرها تمجد
وبنحتفل باللى عرف كيف هدك
••••••••••••••••••••••••••••••••••••••••••••
سعيد الصحفي