بنك المفاخر
هل القلم حبره على صفحة البوك
ينثر حروف المفردات بجزاله
******
يكتب قصيد ٍ بالجزيلات محبوك
شعرٍ يجملني مع أهل الجماله
******
منصاه حرب منجيت كل مدروك
منزالها القمة على كل طاله
******
سلام تسليم ٍ على العز مسبوك
سلم الرجال أهل الوفا و الشكاله
******
وفي مدح حرب يشوش راسي وانا أخوك
و حق البناخي يفتخر في خواله
******
تاريخهم ما يلحقه ظن و شكوك
يحكي مواقيف الشرف و البساله
******
عدوهم خشمه من الذل مفروك
ودخيلهم يسلم بحاله و ماله
******
وان كان للطاله رياجيل و بنوك
بنك المفاخر .. “حرب” .. هي راس ماله
******
إستفزع الحربي ليا صرت مضنوك
وانصاه بعد الله جلَّ بجلاله
******
وابشر بفزعه منسيه كل داكوك
ترجع من الضيقات سالي و داله
******
والباب دون الضيف ماهو بمصكوك
الليا نصاه الضيف كرم سباله
******
في مجلس ٍ من روس الأجواد مضكوك
مجلس وقار و يبهج اللي عناله
******
يلقى صواني فوقها حشو ٍ بروك
يجيه فاله ثم ياخذ عقاله
******
وتلقى مع الحربي على الطاله صكوك
كل شايب ٍ منهم مورث عياله
******
ويا أحمد ورثت الطيب كله من أبوك
ورثك سلم ٍ ما تدور بداله
******
يا أحمد جماهير الجزيلات حبوك
شاعر علم مبدع و صاحب رساله
******
حضرت أشارك الفرح وألف مبروك
لأيمن و عبدالله و كل ٍ و فاله
******
وانا ملكت الشعر و ربوعي ملوك
سلالة ٍ يا حيّها من سلاله
******
يوم العرب ما بين مالك و مملوك
الهاشمي ظهر الشداد إستواله
******
وصلوا و أنا صليت و الأجر مشروك
على رسول الله و صحبه و آله
عماد الشريف (عناد القاف )