نبدا بذكر اللي نخافه و نخشاه
الواحد اللي مالنا رب غيره
وعداد وبلن هل ثم انتثرماه
صلو على اللي سيرته عز سيره
*****
ياهاجسي هات البيوت المنقاه
هات الجزال المفردات المثيره
يامرحبا ترحيب والطيب مبداه
باسم الرجال اهل السيوف الشطيره
*****
باسم الزعيم اللي على الطيب ممشاه
درع الحروب اللي فعوله شهيره
الشيخ ابن جازي على العز مبناه
امحمد المطنوخ بصر وبصيره
*****
هذاك ابومروان واللاش يفداه
فاﻻوله مايلتفت فاﻻخيره
شيخ المكارم مدت الطيب يمناه
جود وكرم ماهي يمينن قصيره
*****
وربعه هل الميقاف بالفعل تحماه
شجعان كان الحرب دندن بزيره
اشيوخ ياحي الرجال المسماه
من حرب حرب اهل الفعول الكبيره
*****
حرب الدول والمجد والجود والجاه
واهل الثلاث البيض نعم العشيره
الضيف نكمل واجبه طيب ينصاه
تقدير ﻻصحاب الوجيه السفيره
*****
حياالله الضيفان والجار حياه
واللي لفا من كل دارن وديره
وكل القبايل نعم في كل مجهاه
والله يزيد الحفل خيرن وخيره
*****
ويالله تعز الدين والدار يالله
وابوفهد بالعز قاد المسيره