مخالفة لشطر المتنبي
(وخير جليسٍ في الزمانِ كتاب)
قصيدة مهداه لخالد المزروعي ابوجاسم بعنوان /
(نمدح به المدح)
بسم المنزّل سورة الكهف سبّب
سبع المثاني للرقى ترقي اسباب
********
اقدح من المسحوب موريه ونشب
وارمي على ضوه من القوس نُشّاب
********
سهم(ن) بشنضوفه على الكبد لا طب
على العدا يفري . لها سوط صبّاب
********
ومطوع (ن)للذرب ومروضه ذرب
على الحسود معكرش كلاش شّاب
********
في حِدَّةْ الأمواس واشد بالضرب
من ضرب ندّاس ومخاليب وانياب
********
احد(ن)تعجب له والاخر له اعجب
سيف(ن) بذي فقار يبتر للاعجاب
********
بيت(ن) مقول عبر الافواه يطرب
بانخالفه والعون من رب الارباب
********
اصدق صديق(ن) في زمانك بمذهب
هو الكتاب بمضرب امثال واصحاب
********
محد(ن)يخالفني على بيت ينسب
لا ابا الطيّب بشعر مرتاد يرتاب
********
هذي حقايق والحقيقه تطلّب
دليل بمنطق(ن) وبرهان لو صاب
********
ولو شفتها صعبه فلاهي للفكر تصعب
تسهل على مراسي لو كلها صعاب
********
فكر(ن)سبر في سبي سبره الطب
طب العقول اللي لها الفكر لو قاب
********
فهي قوسين(ن) في حدود(ن) ترسّب
في أفق يضيق بادراك واقطاب
********
لي صاحبٍ أصدق من الصدق يحسب
أصدق من الصداقه والصدق وكتاب
********
صدقه تبيّن يوم الاصحاب تسحب
وتبينت فيها تضاريس وهضاب
********
عن سلسلة جبال للكذب تذهب
لسلسلة سراه بجبالها نصاب
********
من كل كذّابٍ أشر حكم يشذب
من منطقي صريحه تفهم بلا سهاب
********
لاهنت وفي سجلك يالوقت تكتب
اسم(ن) تعلا ناف عن كل مرقاب
********
ابوجاسم باربع حروف(ن) ترتّب
بيجاب (ن) للمعاني اسهاب واطناب
********
حيث الكتب بها من الصدق والكذب
حسب اليدين اللي تدون والاكذاب
********
والنفع فيها من أثر رجع يطلب
للفكر بمقتضى خاطر(ن) طاب
********
باظهر جوانبها على الفرق وادأب
دواء دواليلي دلالات وادآب
********
المعنوي من باب للنفع يجلب
واللي ذكرته فمن محمل ابواب
********
نحسبه وحسبه اللي قدَّرْه مكسب
ربح(ن)مايحتمله للافلاس بنصاب
********
اسم(ن) تعلا يضوي ضياه يسلب
شوف الحسود ويرغم اعداه باغصاب
********
شفته خوي(ن) في زمان(ن) تكثلب
بغيهبن وجب وظروف تنجاب
********
شفته عزوم(ن) قبل ننصاه نطلب
يسبق على الطلب وينصا لطلّاب
********
نمدح به الأمداح والمدح ينْدب
كف الندي تجود للجود وينساب
********
ماحدّني ملزوز للكذب نكذب
شي(ن) جبرني على مجمل اكذاب
********
وانا في عالم من رؤى الحب للحب
اقطف ثماري جنة(ن) كلها اطياب
********
واطلق زواميلي والاشعار تطرب
من سهل(ن) يمتنع على بني الالباب
********
مبعد نحاوي عن ديار(ن) تقرَّب
من خاطر اللي قاله براس مِشْبَابْ
********
يجود من عده نهيل(ن) مهذب
بابيات للمعنى على فصول للباب
********
اليا طرب بالقاف للقاف نلعب
قافن امتدح من مدحي لسيدالاصحاب
********
من يحفي اقدام الجزالات ويتعب
اهل الجزاله بالثنا تتعب اتعاب
********
ماينتحدد في ثنا المدح ونصب
بمحيطه الهادي بمغراف سكّاب
********
قلته وانا ولد الفقيه المجرب
اللي عساه في نعيم(ن) وعنّاب
********
ماجد الصبحي
أبوعبدالملك