يالآدمي لو قلت ماني برايق
وتقول فوقك ضايقاتن ثيابك
••••••••••••••••••••••••••
لابد من لحظه تبين الحقايق
ويبين لك سبب عناك وعذابك
•••••••••••••••••••••••••
انكان مع ريع المعاصي موايق
لابدك تراجع وتحسب حسابك
•••••••••••••••••••••••••
ترا المعاصي عن رضا الرب عايق
وقت المشيب وكان فأول شبابك
•••••••••••••••••••••••••
وليا رضي عنك الولي مانت ضايق
محبة الله لك رصيد وزهابك
•••••••••••••••••••••••••
وانكان قلبك مشتحن فوق بايق
من ضيقتك يفرح ليا من درابك.
•••••••••••••••••••••••••
لكنك اضحك لو ماهو بـ لايق
من القهر صدره ضلوعه تشابك
•••••••••••••••••••••••••
وانكان في وقتك من المر ذايق
اصبر وتلقى من وليك ثوابك
•••••••••••••••••••••••••
يالآدمي لن ضاق صدرك دقايق
اسأل كريم يزيل همك ومابك
•••••••••••••••••••••••••
سبحانه المعبود رب الخلايق
يعلم ماتجهر به وشيءً خفابك
•••••••••••••••••••••••••
من بعدها لنكان بتعيش رايق
خلك على الطاعه معود ركابك
•••••••••••••••••••••••••
عطاالله اللبيني
@etlsm1408