البارحه ضاقت من الصدر الأنفاس
واونست منها .. ما يعكر مزاجي
°°°°°°°°°°°°°°°°°°°°°°°°°°
جلست افكر لين تفكيري انحاس
على كثر جهدي .. وقلة خراجي
°°°°°°°°°°°°°°°°°°°°°°°°°°
ما فيه درباً مع هل المال ينداس
الا مشيته طامعاً … فيه راجي
°°°°°°°°°°°°°°°°°°°°°°°°°°
ولا جنيت الا الخساير والافلاس
ولا لقيت .. الا كثير انزعاجي
°°°°°°°°°°°°°°°°°°°°°°°°°°
يالله برزقاً منك ماهو من الناس
انت العليم بحاجتي .. واحتياجي
°°°°°°°°°°°°°°°°°°°°°°°°°°
وأنت الكريم اللي تلابسني ألباس
استر به أحوالي ليا جيت لاجي
°°°°°°°°°°°°°°°°°°°°°°°°°°
لاجي إليك ان دق فالصدر هوجاس
والا حجب شوفي كثير العجاجي
°°°°°°°°°°°°°°°°°°°°°°°°°°
العمر مر ولا دخل جوفي اليأس
وانا التفاءل منهجي وانتهاجي
°°°°°°°°°°°°°°°°°°°°°°°°°°
وأنا أدري ان العمر محصور بأقواس
ان رقت والا ضقت يطفء السراجي
°°°°°°°°°°°°°°°°°°°°°°°°°°
حسن ابن شـامي