نسيم الصبح وينك ما بقى في عالمي إلهام
تعال أروي خفوقٍ من سبايب غيبته ضامي
•••••••••••••••••••••••••••••••••••
أبي شيّءٍ من الفرحة يجيني و العباد نيام
أنا طارئ الفراق يهزّني و يضيّق أنسامي
•••••••••••••••••••••••••••••••••••
بعد ما كان روتيني ( لقى ) يا دورة الأيام !
غدى صوته أماني و اللقى هو آخر آحلامي
•••••••••••••••••••••••••••••••••••
تبدّل حالي المترف بحال مربّي الأيتام
يخايل صورة أبوهم و أخايل سالف أيامي
•••••••••••••••••••••••••••••••••••
ألا يا دمعة الفرقى دخيلك خفّي الأوسام
على وجه العزيز اللي من الأيام منضامي
•••••••••••••••••••••••••••••••••••
عقب فرقاه بانت ضحكة الشمات و اللوام
و أنا من عادتي ما أعدّهم لو كثروا ، أخصامي
•••••••••••••••••••••••••••••••••••
أنا لو بلتفت ما جات نظراتي على الأقزام
تخطتهم و نظراتي توافق بصمة إبهامي
•••••••••••••••••••••••••••••••••••
على كثر الرمي ما زلت أنا واقف على الأقدام
تخطتني السهام و شرهة البندق على الرامي
•••••••••••••••••••••••••••••••••••
الشاعر محمد العيدي