قّد ثوب الكلام وفّك ازاريره
وش له الصمت خل الصمت للمسرى
•••••••••••••••••••••••
لّد وجهك علي لو مره اخيره !
خايف انساك لاتحرمني الذكرى
•••••••••••••••••••••••
يربح الحب من يقبل مخاسيره
للمقادير راي وللزمن مجرى
•••••••••••••••••••••••
علم الصّب لا يامن مقاديره
قله الوقت داحس والفرح غبراء
•••••••••••••••••••••••
يا معيّشني الشوق بـ حذافيره
ليت بعض المشاعر تُكتب وتقرى
•••••••••••••••••••••••
فاقدك كني المجلي عن الديره
فاقد ايام من عمري وبالأحرى
•••••••••••••••••••••••
فاقد اوّل لقاء واحساس تأثيره
وعقرب الأنتظار و زاجل البشرى
•••••••••••••••••••••••
فاقد الصبح والغصن وعصافيره
والصوّر والغزل والورده الحمراء
•••••••••••••••••••••••
فاقد الليل والطيش ومشاويره
والشغف والسهر والليله القمرى
•••••••••••••••••••••••
والشعور الجميل بـ لذّة الحيره
والترقب ومتعة صبره الكبرى
•••••••••••••••••••••••
كيف بـ اشرح لك احساسي ؟ وتفسيره
انت من حبّ قلبي وانت فيه ادرى
•••••••••••••••••••••••
جرحك اللي بقى لي ! مابقى غيره
جعل جرح ٍ بقى لي منك ما يبرى
•••••••••••••••••••••••
الشاعر سعود مهدي