الا يالله يارب الملا ياعالم الاحوال
طالبك عفوك وغفرانك والستر والجنه
°°°°°°°°°°°°°°°°°°°°°°°°°°°
انا عبدك اللي غرته في حياته الامال
وغرته طول الليالي مع صغر سنه
°°°°°°°°°°°°°°°°°°°°°°°°°°°
اقول انا توي صغير وباقي العمر لازال
وحسب ان الصغير سهوم المنايا مايمرنه
°°°°°°°°°°°°°°°°°°°°°°°°°°°
وعايش في زماني وكني من الجهال
افكر بدنيا العنا ويش اخذً منه
°°°°°°°°°°°°°°°°°°°°°°°°°°°
وحملت نفسي ذنوب سوات جبال
عسى الله يقبل توبتي ويغفر هنه
°°°°°°°°°°°°°°°°°°°°°°°°°°°
وانا اللي نصيتك وانت الواحد المتعال
وانا عبدك الي في الهه محسنً ظنه
°°°°°°°°°°°°°°°°°°°°°°°°°°°
إلهٍ يرتجيه العبد لمن ضاق به الحال
ويعطي عباده عطايا بلا منه
°°°°°°°°°°°°°°°°°°°°°°°°°°°
نصيحه ياللي تحسبون الليال طوال
خذوا عبرة يدور الوقت بين البرد والكنه
°°°°°°°°°°°°°°°°°°°°°°°°°°°
وكلا يبي يلقى حصيله ولو مثقال
ولكن الحضيض اللي حسناته ينجنه
°°°°°°°°°°°°°°°°°°°°°°°°°°°
والا يالله ياللي بعدلك تكتب الآجال
تثبتني على الدين القويم ومنهج السنه
°°°°°°°°°°°°°°°°°°°°°°°°°°°
سلطان لافي البقيلي