يا غايتي يا منيتي يا مرادي = يا سيدة قلبي و أميرة فؤادي
يا مملكة روحي وأنفاس روحي = كل عام وأنتي طيبة يا بلادي
كل عام وأنتِ يا أجمل الحور غادة = عليك تاج العرش في كل مادي
يا أرضنا اللي في رباها نشينا = يا أرض الرسول المصطفى خير هادي
كل عام وأنتِ بخير والخير فالك = والشرّ عنك وغدر الأخصام غادي
يا عرضنا اللي دونك يسيل دمنا = بالحال قبل المال لأجلك نفادي
كل عام وحدودك حصينة وحرّة = من دونها حدّ السيوف الحدادي
يا قبلة الإسلام والمسلمينا = يا فزعة المضيوم لا جاء ينادي
يا فخرنا يا فخر مليار مسلم = لعل كل أيام عمرك عيادي
يا نخلةِ عشنا بفيّة سعفها = وسيفينها عنّا فـ نحر الأعادي
كل عام وأنتَ في ذرى أخوان نوره = اللي تعلوّا فوق وسق الشدادي
عيال عودِ طيبّ الله ترابه = صقر الهدد عقبّ صقور الهدادي
واليوم في ظلّ الزعيم المظفرّ = سلمان سلمان العزوم الشدادي
أبو فهد مليكنا الله يعزّه = ويلبسه بالصحة ثيابٍ جدادي
وولي عهده سيدّ الحزم كله = محمد اللي فالمهمّة قيادي
مسالمه يبشر بطول السلامة = ومحاربه يبشر بخشم الزنادي
الله يديم المملكة في كنفهم = والله يلهمهم دروب الرشادي
وختامها يا مملكتنا الحبيبة = بإسم السعوديين حضر و بوادي
كل عام وأنتِ فوق هام السحابة = وعلٓمك الأخضر فوق الأعلام بادي
حفيد الحجيري