ابتدت رحله هجوسي على كل اتجاه
بين قرطاس الكتابه وحبر المحبره
رحلتن فيها كثيرا من الشعار تاه
مير انا ادل اتجاهي وعندي سيطره
ما درجت اقدام رجلي بدرب الاشتباه
لو زماني فيه ميله ولفه ودوره
في وطن والله ما يوجد على البيدا كماه
دون حده ما نوفر لا رجل ولا مره
دونه الارواح تَرخص ولا تِرخص غلاه
نخسر الارواح دونه لكن ما نخسره
الوطن حقه علينا نحفظه ونحماه
من جميع الاتجاهات بره وبحره
مهبط الوحي السماوي ورسله وانبياه
من يقرب من حدوده ندقه فنحره
كوكب غطى الكواكب بنوره في سماه
مثل ما غطى المعاني منيف المنقره
اطهر من الأكسجين النقي ريحه ثراه
فيه من طيب المعتق وطيب المبخره
في ذرى ملوك الجزيره مقاليط الدهاه
الملوك اهل الزعامات واهل المفخره
ياولاة الأمر سمعا وطاعه ياولاه
دونكم نعزم بعضنا على ارض المقبره
حبكم والله ما يقدر يحدد مستواه
غير رب البيت الاعظم عظيم المقدره
الحياه بدون حكامنا ما هي حياه
يقنع الرجال منها ويعطيها ظهره
°°°°°°°°°°°°°°°°°°°°°°°°°
متعب المحمادي