عقول مربعه بافكارها لو السنين عجاف
معيشتها رخاء دايم ماتعرف عيشة الشده
تبين ساعة الشده وهي بكامل الأوصاف
ولاتحتار تبلغ ماتبا فالوقت وتوده
على ماقالت الأمثال ماتصعب على العراف
تعاون من تكرم والبخيل الماسك تضده
ألا ياماضي الأسلاف علمنا عن الأسلاف
عشان الحاضر ليا صار بكره ماضي يعده
والا يالحاضر علومك مانبغاها غثا تنعاف
علوم أهل الغثا يالله عسى تقصر بها المده
علوم اسلافنا مثل المشاعر في زمان الهاف
لكن علوم حاضرنا مثل زحمة بحر جده
لو أن الوقت متغير وصاير ف العباد شعاف
حكيم العقل يبصر به وعقله دايم يرده
تفوقنا على الماضي بدون شكوك فالأسراف
بسبة لم نجرب حاجتين (الجوع)و(الكدة)
نخاف إن الزمان يعود ثم نخاف ثم نخاف
عقوبه من إله الكون والأسباب ممتده
تراكم ياعرب من فعلكم صرتو على مهياف
يباكم تحسبون احساب به هجمات مرتده
كذا ماهو مبشر وضعنا بالعدل والإنصاف
نقول الحق تصحيح الخطأ واجب ولابده
نوسع في نظرنا للأمام ولا نلد خلاف
ونبني للأمل قصره وجدر اليأس بنهده
نعيش بخير وأمن و عافيه وسرور يالعراف
ليا منا شكرنا الله وحافظنا على مده
*******************
عطاالله اللبيني