بديت في منزال عسر الرقي بها
و الشمس عقب عصير تالي مغيبها
في حزة ركزت على ضامر الحشى
و حطت بيارقها و جاوب نديبها
قلب تمنى لو من العمر مرته
و عين تشاهد صورة تحتلي بها
سريتها و استيسرتني و سرني
علم لفتني به و انا محتريبها
تقبل على بيدا من الوجد ترتجي
هلة سحايب عمني خير صيبها
فوق اشتياق ٍ ما يوصف و ينوصف
الا بوصفة من لقاها شفي بها
صحاصيح بر تجتلي عمسة النظر
و جرة نسايمها تداوي صويبها
و تنزل على قاع ٍ توارى بمهجتي
تحت كوم من ضيم الدهر ملتويبها
و تجترها مثل الركوب المغرزه
بواد ٍ يونس سكنته صوت ذيبها
و يسلم بعد ما قربت له منيته
و شم الحياه و عانقه ريح طيبها
سج بهجوسن جت بذكراه و اوله
يوم الليالي روحت في مشيبها
جاب القدايم و القدايم نديمته
كن الزمان اللي رحل محتميبها
جاب الوجيه اللي لها الجاه و القدر
حتى و لو قفى ضعنها يهليبها
ما دامها ما روحت دون عذرها
قلبي له المعذار ساعة يجيبها
يبي يكلمها و يسمع كلامها
و ياخذ نصايحها و وصفة طبيبها
الكلمه اللي جوهرت منطق الحكي
و الحكمه اللي ما يضل المماشي بها
يا ضيق صدري كل ما قلت وينهم
و يا بري حالي و الدهر مقتفيبها
الشوق ما يرحم و لا هو بمهتدي
و ناره يصالي جمرها من دفي بها
يالله ياللي تعلم السر و الجهر
و الروح عندك خبرها و انت داريبها
انك تبلغها مناها و ما تشتهي
و لا يرتحل دون الرضى منك ساعيبها
********************
مخلد البشري