يا جامع القرش والقرشين
و ناسي بأن العمر محسوب
إنكان ثوبك يجي بجيبين
ترى الكفن ما يجي بجيوب
********
عزّي لـ عينٍ غدت مسرح
والمسرحية بطلها الدمع
وخلف الكواليس من يجرح
حتى يحقق سعادة جمع
********
شارب هقيته على رجال
طايل لكنه بلا طايل
فوق العمامة عقاله مال
وتحت العمامة عقل مايل
********
لاتعتذر وارقد وآمن
بكرة حبيبي يروق الجو
صحيح زعلتني لكن
من غيرك الجو ما يحلو
********
كُف الرجاوي .. غرامك مات
و اسمع اذا كان تبغى الحق
احيان تلحق على اللي فات
و احيان لا فات ما تلحق
********
من غير مونتاج و مْحرر
خذها مثل م كْتبتها ايْـدٓي
أحيان أحصّل لك مْبرر
واحيان والله ما احصّل شي
********
هاني البشري