يامرحبا تعداد ما غرّد الطير
مثل القصر تعجبك فيَّة ظلاله
*****
ترحيب باسم الصحاف في خير تعبير
طيب المشاعر وارده من خلاله
*****
ياعسكر البارود يوم المعاصير
ولازال فيكم طيبكم والبساله
*****
وحنا صحاف الجود في دربه نسير
بعون ربي ما نريده نناله
*****
ونعم بمن سميت وأحسنت تذكير
وأنعم ببو عزام راع المقاله
*****
للصحاف سته شيوخ وفقه على خير
من جاء لهم بالطيب يلقى سهاله
*****
ولنكان جاهم شخص في نيته غير
ما ينظلم لكن بيطيب فاله
*****
ومن بعد ذا الأحداث لابد تفكير
الكل يجدد نظرته في عياله
*****
اليوم صار الجرح وفالعظم تكسير
ربك لطف بالجو وفرق خياله
*****
نخاف من الجهال للفعل تكرير
ركايز قبايل والسماء مع هلاله
*****
نخشى نفوس تروح وعقول بطير
راع العقل يصبح خوي الجهاله
*****
شباب هذا الجيل يحتاج تبصير
لترك التعصب والجهل والخباله
*****
مثل الجمل لا هاج يحجر بتهجير
لا بد له من قيد وشدة عقاله
*****
هذا كلام العقل من غير تحوير
عقالنا وعقالكم ما تدور بداله
*****
ذكر النبي فواح مثل الأزاهير
صلى عليه الله ونفسي فدا له
عبدالرحيم إبراهيم الصحفي