إهداء إلى الأستاذ عبدالعالي فالح الصحفي ، و الأستاذ محمد سعيد الصحفي ، بمناسبة فوزهما في انتخابات المجلس البلدي بمحافظة خليص
“مبروك يا أهل العزم”
العزم خيل دوم توصل مواصيل
وكل على قد السعي نال مكسبه
*****
اللي تمنى نجمة سهيل حلحيل
واللي تمنى كايد الصيد صوبه
*****
أحد لقا في درب مسعاه تسهيل
يطلبه حظه كل ماقام يطلبه
*****
وأحد عزومه حدرت داهج السيل
ما فات سيله كل صعب تجاذبه
*****
وأنا أشهد إن الطيب كسب الرياجيل
اللي دحم بحر الصعايب بمنكبه
*****
الين زكى من وفور المحاصيل
وارتاح بعد الوسم بين مكاسبه
*****
يكفي عن طوال الحكي والتفاصيل
ضرب المثل ياحي ذكره ومضربه
*****
ابن سعيد اللي وصل نجمة سهيل
وبن فالح اللي حلو الأفعال تندبه
*****
مبروك يا أهل العز نسل الحلاحيل
اللي بهم كل مجلس يشوم منصبه
*****
يزهابكم حلو الشعر والتماثيل
ياعز نسل حلو الأبيات تخطبه
****
صبوا لهم من زاكي الكيف والهيل
ياحي فنجال الوفا وحي شاربه
*****
كفو الثقة ياصقور عز مشاكيل
اللي تويق الصعب وتروح تجلبه
*****
أفرح بكم وادعي لكم بالتساهيل
وتفرح بكم دار تحقق مطالبه
*****
في ظل حكام على مقدم الخيل
تشرق بهم دار تعالت مراتبه
*****
تلقى لهم حزم وهيبه وتهويل
تدك في بطن المعادي وتغلبه
*****
هم عزوة الإسلام يقوى بهم حيل
من ضج من كيد العدا وطال مغربه
*****
يا الله تحفظ دارنا من هل القيل
ومن كل شر بالليالي نحاربه
*****
هذا كلامي صغته بدون تطويل
وخير الكلام اللي تصافى مشاربه
*****
من شاعر دايم بيوته مجاميل
ويختار من بحر الجزل دوم أعذبه
*****
وختامها صلوا على هادي الجيل
اعداد ما ليل نجومه تواكبه
_______________________________
عبدالرحمن حميد الغانمي
![](data:image/svg+xml,%3Csvg%20xmlns='http://www.w3.org/2000/svg'%20viewBox='0%200%20371%20316'%3E%3C/svg%3E)