قصيدة بمناسبة تكريم الأستاذ أحمد مهنا الصحفي مدير مكتب التعليم بخليص سابقاً ، وذلك في حفل ليلة أمس بتاريخ ٩/ ٤ / ١٤٣٧ هـ ..
من قلب عن نظم الجزيلات ميتوب
ومنطق لسان يسوق جزل المثايل
*****
ولاني عن الشعار لي حرف محجوب
ولحدٍ حجب عني صدوق الخصايل
*****
سلام من راسٍ على العز مطنوب
من راس لا ساقه خفيف الشمايل
*****
رده وفيه والعلم فوق منصوب
في دار عزٍ من تحته المخايل
*****
دارٍ ركد في سلم مهتز فحروب
وثابت إلى هاليوم كالطود هايل
*****
دارٍ بها سلمان للنايفه تنوب
راع القنا والسيف حزم وفعايل
*****
أقولها ترحيب في رجل مكتوب
اسمه على صفحة رجال الأوايل
*****
أحمد مهنا له وفالمجد مشروب
فنجال من صفرٍ بها الهم زايل
*****
أحمد مهنا حاضرٍ لا بدا النوب
وقت الشداد يشد شال الثقايل
*****
رجلٍ شهير وسابق فكل ماجوب
و تعرف مواقيفه نهار الصمايل
*****
مبداه ما فيه غالب و مغلوب
و لا فيه هذا قال أو ذاك قايل
*****
فعله كريم يقدر القول بأسلوب
ويوقف له الزيزوم ذرب السلايل
*****
في محفل التعليم له قدر محسوب
نحسب له العليا وله فعل طايل
*****
رابغ تباهت بك وفخليص يادوب
يادوب ما زانت بفعل الأصايل
*****
إنجاز حققته لك اليوم منسوب
إنجاز ما يبغى رموز ودلايل
*****
مطلوب شرواكم ولو رحت مطلوب
و نيشان تفخر به عيال الحمايل
*****
ياعزوةٍ يعنى لها كل مكروب
يا كاسب الطاله كمال وجمايل
*****
لكم على فعل الوفى سهم منصوب
في وقت صار أهل العزايم قلايل
*****
غنيت بك ياقاف ما فيك عذروب
والغانمي قافه يصيد الجزايل
*****
والختم صلوا كل ما هبت هبوب
على النبي ختم الوحي والرسايل
__________________________________
طالع دخيل الله الغانمي