إلى أهلي في الخليج العربي
“تحزموا”
ياهل القلم والشان ردوا التهايم
عدوانكم استأجروا كل كذاب
*****
إلى متى ماغير نقرا الظلايم ؟
وإعلامنا يزود القوم بأسباب
*****
لا تنثرون المال بين الهلايم
استثمروا في عقول قاده وكتاب
*****
وحطوا مراكز بحث للشور دايم
تقودها قدراتنا وبعض الأصحاب
*****
ولا تستهينوا بادعاء الخصايم
ترى الكذب إذا لقى إذن جذاب
*****
تقاسمونا بالخرايط ولايم
ونصدق التطمين من كاشر الناب
*****
ترى المسا نذير فجر العظايم
تحزموا لقادم الوقت بحساب
*****
من ضيع الفرصة دهته الهزايم
ومن لا يجهز لـ أخطر أيامها خاب
*****
اليوم ماهو يوم لوم ولايم
اليوم للي يرفع الراس حراب
*****
وأنا أدري إن الكل بالمجد هايم
وكل لعز الدار بالروح وهاب
__________________________________
خالد الفيصل
