الصداقة

ترى الصداقة يوم تحفظ ما تضيع
بين العرب ما يختلف طاروقها

********

في صيف ولا في شتى ولا ربيع
أهل الوفى تعرف جميع حقوقها

********

مثل الوداعه ما يضيعها الوديع
لو قامت الدنيا تلم شدوقها

********

لا بارك الله في مضيِّعة الصنيع
اللي جهار وسر دوم تبوقها

********

والشجرة اللي نابته في راس ريع
يصفق ورقها والبلى في عروقها

********

واللي تأمل في هذا الكون البديع
لاحظ غروب الشمس قبل شروقها

********

يشري الكريمة من غلاها ما يبيع
ولاّ الردية ما يقرِّب سوقها

********

على المحجة عن سنعها ما يتيع
وإن جات زلة ما يزيد فتوقها

********

واهل الردى في سوقها تقرع قريع
ينضح ردها من طرف منطوقها

********

يسلم رفيع القدر والسد المنيع
واهل الوفى والطيب عالي ذوقها

********

ما خاب ناصيها دهر ولاربيع
صنايع المعروف قمة شوقها

********

ترى الشجاعة ما يضيعها الشجيع
لو ارعدت ولاّ أقبلت ببروقها

********

لكن حلم الله على خلقه وسيع
في يوم يَنْشِفْ ريقها في حلوقها

********

حامد بن جابر السلمي