نبتدي باسم الله ليا من بدينا
والنوايا نحمد المولى سليمه
*****
وللملك سلمان حنا معاهدينا
والعهد لها عندنا قدر وقيمه
*****
له ولمحمد ترانا مبايعينا
وبيعة لموسس دولة قديمه
*****
صيرمياً حازمً منا وفينا
حاكمً عادل ولا يرحم خصيمه
*****
مشينا مشي العدال ليا مشينا
مامشينا الا الدروب المسقيمه
*****
يابلادي دون حدك واقفينا
بالسيوف وبالرجال وبالعزيمه
*****
وبالله المعبود ربي واثقينا
مايجي في صفنا ضعف وهزيمه
*****
من قديم الوقت والله مانلينا
السعودي عادته محدٍ يضيمه
*****
ومن يحاول زعزعتنا ماعلينا
بشروه ان امه لتصبح عقيمه
*****
ياوطنا عشت في حصنٍ حصينا
تحت راية معتلي اشداد ريمه
سلطان لافي البقيلي