الوطن حبه من الله مالنا تدبير فيه
الوطن لن كان ما نحميه ما نستاهله
*****
الوطن نبض العروق ودمه اللي يرتويه
نزرعه بذرة وتنبت بالعطاء سنابله
*****
بالوفاء والحب والإخلاص حنا نشتريه
مملكتنا عزنا يوم العرب متشاكله
*****
بالعمل والجد والأفكار والرأي الوجيه
كلنا نبني لوطنا مجد بالإخلاص له
*****
الوطن حنا جنوده من يساومنا عليه
ما نبيعه لو نحفر قبورنا في داخله
*****
من يحاول يزرع الفتنة وله فكر سفيه
ما نتنكر للوطن نصغي لناس جاهلة
*****
من يمس حدودنا بسيوفنا نقطع يديه
كلنا دون الوطن نحميه من هالشاكله
*****
أمننا وأماننا هو كنزنا اللي نفتديه
نارنا نار الحمية من يقترب تأكله
*****
قالها من قبلنا عبدالله اللي نعتزيه
ذاك أبو متعب عسانا كلنا فدوات له
*****
راية التوحيد تسمو والشعار اللي نبيه
نخلة فوق السيوف اللي تحت مداخله
*****
يالله انك تحفظ الأوطان وتحفظ الوجيه
كلنا نفدي الوطن وقلوبنا مدهال له