يا قلب

يا ما خذٍ للقلب والوقت يحداك
الثوب ما يلبس بدون البدونِ

********

بآ مُرْك يا قلب وانصحك وانهاك
عن زلةٍ ترِّث عليك الغبوني

********

وتصبح رهينٍ بين ذولا وذولاك
ونفسك فريسه للوَهَم والظنوني

********

بارق بعيد الدار ماهو بُوَيّاك
لو تستخيله في عريض المزوني

********

والعشق مثل اللي يدخن بتنباك
يقضي على الصحة وحتى السنوني

********

اشرب قراح ولا تقدم بيسراك
فنجال تصبح للمهانه زبوني

********

افطن لحالك قبل تقفي مطاياك
ولياك مابين السهل والحزوني

********

في منزل مافيه باب وشباك
واللي يريد الله بخلقه يكوني

********

اسمع كلام اللي يودك وينخاك
ولا تستمع في أهل الغوى والفتوني

********

أبو مفلح / حامد بن جابر السلمي
جدة في ١٣/ ٦/ ١٤٤٥هـ