اليوم هذا عيد لو ماهو بعيد
يومٍ تأسس فيه صرح البلادي
********
نفرح بحكامه وكل الأجاويد
اللي قريب الدار واللي بعادي
********
يومٍ جمعنا ياعسى دايم يعيد
من فضل ربي والحكم والرشادي
********
ومعزي اللي خلدّ المجد تخليد
ياجعله بجنات رب العبادي
********
أسس لنا دوله بشرع وتقاليد
ومباديٍ ما مثلها بالمبادي
********
وبعده عياله كلهم دون تحديد
أشاوسٍ تلطم وجيه الأعادي
********
دون الوطن حصنٍ عن الشر والكيد
والكل منهم دون حده يفادي
********
هذي حكومتنا ونفخر بها اكيد
والله يديم افراحنا والعيادي
********
سلطان بن بجاد