صدري بحر لكن جزره ومده
أعتى من الامواج في بحر يمه
********
روابعه زادت على بحر جده
تشابكت بالحيل في عرق دمه
********
كيف اجتمع فالصدر ضدٍ بضده
وامست تلاحى بين كمه وكمه
********
الكل منهم يفخر بذكر جده
يستفزع الغياب وعيال عمه
********
و كلٍ حشد جيشه بقوه وعده
اللي يمين الدرب واللي يخمه
********
ودارت رحاها بين ندٍ ونده
ميدانها يمٍّ وصدري يضمه
********
والصدر ما وده وفاحيان وده
علم الوفى مبداه والغدر سِمِّه
********
وازرى يميز بين مده ورده
مده يطوح به وجزره يلمه
********
وأصبحت أنا ما بين مزحه وجده
مثل الصغير اللي معاشه على أمه
********
لكن مهما صار ما باح سده
يطلب كريم الوجه ويزيح همه
********
أبو مفلح/ حامد بن جابر السلمي
٢٧ شعبان من عام ١٤٤٥هـ