اصبر على مُر الزمن يابن الكرام
والصبر مفتاح السعادة والهنا
********
الله يعوض بخير عامٍ بعد عام
واللي على ظهر البسيطه للفنى
********
واللي يموت نقول مرحوم العظام
واللي يجي ويعيش يرحل من هنا
********
هاذي حياه نمرها وسط الزحام
والآخره فيها مقام ومغتنى
********
يا زارع الدنيا بعيدان الثمام
ما كل عود يطيب من عوده جنى
********
واللي زرعها ورد يبشر بالسلام
يلقى نعيم مقيم من بعد الضنى
********
ما به على الدنيا قرار ولا مقام
لو طالت الأيام والقلب اهتنى
********
كلٍ على ميعاد ما فيها كلام
إما على طيب وهنا ولاّ عنا
********
هذي هي الدنيا مكاسبها حطام
لن عوّد العبد لْوَليّه و انثنى
********
نطلبك يا الخلاق في حسن الختام
والحمد لك يارب مع حسن الثنا
********
أبو مفلح / حامد بن جابر السلمي
جدة في ٢٨/ ١٢/ ١٤٤٥هـ