عرف الشاعر رويشد بن وصل الله بن معيض البنوي السلمي يرحمه الله بقدرته الفائقة وتفرده في شعر الزومالة (الحدايا) إلى جانب شعر المحاورة واعتبره الكثيرون مهندس الزومالة الأول عند قبيلته سليم وأحد أشهر صناعها بشكل عام وقد ولد في 1352/7/1هـ في وادي ستارة بمنطقة مكة وانتقل إلى مدينة جدة في أواخر عام ١٣٩٣هـ وعاش فيها حتى وفاته في 1422/12/12هـ والشاعر رويشد السلمي من بيئة شعر فوالده رحمه الله كان شاعراً وأخواه كذلك (راشد أكبر منه ومرشود أصغر منه) وخاله (سيف بن جدوع الصقيري) شاعر وجده لأمه شاعر (جدوع الصقيري) ونضم الشعر في سن مبكر وكان يشارك أخوه الأكبر الشاعر راشد بن وصل الله المحاورات قبل انتقاله إلى مدينة الرياض، وبعد عودة أخيه استمرا في أغلب المحاورات لايفترقان إلا في ماندر.
ومن زواميله المعروفة:
ســـــلام من قــــلـــــــبٍ يــفــكـــــــر ويتخيـــر فالمعاني
يبني على المعنى ومافالقلب يبديه اللساني
*****
ورد الجزاء ماهو عضا واليا نويته ماعصاني
والحر تكفيه الإشارة والوفاء مده نزيده
*****
والثانيه ياقصر مبني منه خوف وفيه أماني
ومعلّمه في كل دوله له رصيد وله ضماني
*****
حاجز رصيده فالبنوك يخاف من دور الزماني
ومداولات الين والدولار ماتخلف رصيده
ــــــــــــــــــــــــــــــــــــــــــــــــــــــ
سلام تسليم الحياء اللي فيه برق وفيه راعد
ياقصر بنيه مرتفع والساس فوق اربع قواعد
*****
ومعلمه مايخلف الميعاد يوم انه يواعد
لكن ماحط الدرج والسور حسب الاتفاق
*****
والعام ابوزيد الهلالي فاليدين ولايباعد
اليوم أشوفه منتحي والوقت قاسي مايساعد
*****
مدري لحاله معتكف وألاّصعد مع جيل صاعد
وذياب بالمرصاد واقف له على ركبه وساق
سلام ياقوم الفرح والبعد عنكم مامنعنا
ياربعنا وقت الطلب واليا طلبتونا فزعنا
*****
المال دون الحال واللي مانفعكم مانفعنا
وزيد الهلالي متورث له واحد ٍ ماهو وريث
*****
يوم الإمام أرسل لكم وأرسل علينا واجتمعنا
قال اسمعوا ياناس فيه محاضره ثم استمعنا
*****
جاب الحديث اللي تخبرونه على مبدأ ومعنا
لكن ماكل الأوادم تستفيد من الحديث
ومن أشهر زواميله هذه الزومالة:
يوم العلوم مصلبه تصليب ماهي شد قووش
اللي ينوش الناس اشوفه مايبي للناس نوش
*****
واليا مزح جاره معه عصب ورد المزح هوش
سلام لو جار الوفاء ماينعرف مزحه وهوشه
*****
ليه عميل حال دونه باب قصر وباب حوش
قدمت له فنجال صيني قال ابي فنجال بوش
*****
له قدر فوق النار يوم تزيد ناره زاد غوش
ومعاونينه يمحشون النار لين يزيد غوشه
وهذه زومالة للشاعر رويشد البنوي رحمة الله والرد للشاعرالمرحوم بإذن الله مخضور بن صاحي الراشدي البقيلي
سلام باسم الله عظيم الشان علام الغيوب
ردة وفا تنصى هل الماجوب والوقت محسوب
*****
لو فيه حادي ماحادني يوم تنصاني الوجوب
مشيي على القانون لو بعض العرب وده يحرفه
*****
ليتك تفكر في نهار العرض ياراع الذنوب
تاخذ سبول الحق يوم الحق صابون القلوب
*****
قدام تصدفلك نهار ٍ فيه غالب ومغلوب
والحق واضح للعوارف مير ماكلا ً يعرفه
ــــــــــــــــــــــــــــــــــــــــــــــــــــــ
الرد
يامرحبا عدّة خيال الصيف وتهب الهبوب
باللي لياجت فاقته وانه ورى قمه ينوب
*****
ابشر بتكميل الوفاء انكان شاكيلك عزوب
والحق يرضي للي بمغرافه يغرفه
*****
إن جيت افكر فالمعاني وافرة كل الجنوب
لكن لاتشره عليه يوم أدور لي ذهوب
*****
أمشي معك من حيث تمشي في سهل وألانقوب
والحق في بيت الأمانة مايعاوز من يخرفه
وأحيانا يؤخر السلام إلى الميقاف كزومالته:
جينا على ساير سليم اللي على الوجه النقي
ماني مدّور غير سايرهم ومن دوّر لقي
*****
عداد نوٍّ من خياله كل ظامي يستقي
سلام ياقصرين كانفها حرس لابس مناظر
*****
والثانيه لولا وجوب الله وقلبي مشتقي
لاقول يانيران شبّي فالفتايل واحرقي
*****
بعد يجازى راعي الحسنه بسيّه وش بقي
ماعاد فيـه ألا نبيع ونشتري حاضر بحاضر
وأيضآ من زواميله:
سلام والأيام هذي مشيها ماينعرفله
تمشي مع الواحد ليا نص الطريق وتنحرفله
*****
احدن توديه المقامات العلا واحدن تقفله
والمسعد اللي ماتقفله عند بيبان الرجاء
*****
والثانيه وش تاجرن يشكي وشيكه ماصرفله
محجوز ماله في بنوك سويسرا ومحد انتصفله
*****
محجوز عند الدوله العظمى وحاله ينوسفله
ولاهو معوض خير يالأجواد لو روح وجاء
وله أيضآ:
عداد من حج القرين وطاف بالكعبه وصلى
سلام يامن له علي وجوب عنها ماتخلى
*****
جابرني الاسم الجباري كيف اقول بخلقت الله
جينا بعد جتنا العزيمه صامله والا ريازه
*****
بسالكم ياهل الفرح عن عود قاضي حق ظلى
العام ظلى فالبلد يامر وينهى واستقلى
*****
مدري تهيوله عيال الوقت والا قسمة الله
واللي يخاف الله يعد النور والذمه قزازه
وقال في زوماله أخرى:
سلام ياربعن سلفهم فالقدايم من سلفنا
والعذر منهم مايبرينا ليا عنهم وقفنا
*****
لو الليالي تخلف العربان حنا ماختلفنا
من حمد ربي ماختلفنا ومانغير سلف اهلنا
*****
والثانيه يابعد ابو زيد الهلالي عن هدفنا
لوجات حذفه من ورى متنه نعرف اللي حذفنا
*****
مدري مورى فالزمان الزين والا ماعرفنا
وإنكان جاهل ماعرفنا ينشد العراف عنا