بدع ورد بين الشاعر عاطي بن راشد المعبدي والكاتب سعيد عناية الله الصحفي حيث كان البدع من المعبدي وقصيدته التى كتبها بمناسبة مشاركة قبيلة الصحاف في حفل زفاف احد ابناء قبيلة هذيل في مكة المكرمة .. استجابة لدعوة مقدمة .. للاستاذ الشيخ وارد بن شاكر الصحفي . في 13/04/2025 وجاء الرد من الصحفي الذي كان أحد الأعيان الذين تضمنهم وفد قبيلة الصحاف من حرب عند الحساينة من هذيل.
* البدع قصيدة الشاعر عاطي بن راشد المعبدي
صحاف الفخر
عز الله ونعمين في كل ميقاف
مجملين وكاسبين الجزاله
*********
اصحاف تاج العز لاقالوا صحاف
اهل الحميا والوفا والرجاله
*********
عون الرفيق وفعلهم دوم ينشاف
واللي يعاديهم تقصر حباله
*********
الساس في زبيد وبدو كل مشراف
من روس حرب وتحتمي كل قاله
*********
يوم السنين الجايره خوف وعجاف
زبن الدخيل ارجال فزعه وطاله
*********
والضيف يكرم جود ماهو من اسراف
والجار يحشم فاللزوم تعناله
*********
وعيال شاكر راس عزه بالاكتاف
وارد مع إخوانه رجال الصماله
*********
مرحوم عودن بيرقه دوم رفراف
عقب رجال ونعم والكل قاله
*********
واللي جحد فعل الرياجيل باجحاف
عسا يفنى ماتبقى لياله
*********
الظفر مشيه قدم مايرجع خلاف
مع ربعه وكل القبايل مجاله
*********
ياخذ ويعطي بالوفا حق وانصاف
ومد الوفا عادة رجال الشكاله
*********
اقولها ماهي حروفن على القاف
زود الغلا وتجيك مني رساله
* رد الكاتب سعيد عناية الله الصحفي
معبد المجد
يا مرحبا ترحيب ياراعي القاف
من واحد بالطيب فاحت دلاله
*********
ويا مرحبا اعداد من حج او طاف
واعداد ما خيّل مناشي خياله
*********
باللي لهم في المجد قارب ومجداف
أهل الوفا والطيب ساس العدالة
*********
معبدٍ من عهد الصحابه والأشراف
دايم لهم في الجود ختم وبساله
*********
و علومهم سامية بين الأطياف
نالوا سنام المجد في كل حاله
*********
متوسدين العز بفراش ولْحاف
حطوا بديوان المكارم دلاله
*********
وحرب الدول حاضر ومن عهد الاسلاف
تاريخهم يندى بفخر وجلاله
*********
وكل القبايل من هلا الدين واحناف
امجادهم ما تنسرق بالختالة
*********
والطيب مايقَسَم ارباع وانصاف
تحداه عن درب الجهالة عدالة
*********
ماقلت ثابت عند قاضي وعَرّاف
والعلم ياهل الميز ينفي الجهالة