ان جات زله يا فتى خلها حدر
من تحت رجلك والحذر لا تضايق
********
العفو عن كل المخاليق له قدر
عند الولي وابعد عن اهل البوايق
********
أفطن وبعض الظن يا صاحبي هدر
على صدور الناس ما انت موايق
********
ابْنَ الجدار بطيب لا تهدم الجدر
لكن لا تغتر في كل بايق
********
وش مكسبك من ضيقة البال والصدر
إلّا تشيل السم بين العلائق
********
العفو عن ضده كما ضايح البدر
له منزله نهار بعث الخلايق
********
إربا بنفسك عن هل البوق والغدر
تفوز في يومٍ تبين الحقايق
********
وإن كان كررها وزادت عن القدر
ارفع جنابك عنه و البال رايق
********
أبو مفلح/ حامد بن جابر السلمي
جدة في ٣/ ٢/ ١٤٤٧هـ