أجلس مع اللي راسه الشيب ماليه
اللي تجاعيد الزمن في جفونه
********
يعطيك من خبرة حياته وماضيه
درسٍ كثير من البشر يجهلونه
********
عاصر زمانٍ باينه في مواريه
لو كان بعض الناس ما يقبلونه
********
الراس شايب والتجاعيد في يديه
زمان حكحك له محاجر عيونه
********
ياللي تناظر فيه قبل أياديه
اخذ دروسه لا تجيك المهونه
********
الدرب واضح و اللزمه لا تخطيه
الله عطاك العمر ما تهس دونه
********
هذي نصيحة عن زمان وماضيه
من شايبٍ جرب وشابت عيونه
********
أبو عبد العزيز
أ/عبد المحسن الشيخ