قصيدة بمناسبة تقاعد الأستاذ: حميد بن سعيد الصحفي:
باسم الإله وخير ما نبتدي به
الواحد المنان رب الجلاله
رحيم بعباده ومن يلتجي به
ينول خير ما درى كيف ناله
قافي وأنا قافي ليا جيت أجيبه
جيًت وسم يبرق ويرعد خياله
وإن شفتلي زيزوم مهضم نصيبه
محفوظ عندي ما يضّيع سباله
إمن السمان اللي توسّم بطيبه
واسمه ووقفاته وباقي خصاله
وأبو فهد أحْسبْه وربي حسيبه
وافي من رجال النقا والشكاله
سديد رايٍ فاليال الصعيبه
يمشي على مبداه مهما جرى له
رفيق للمسجد إمام وخطيبه
زيزوم ربعه بالفعول الجزاله
صادق صدوق ومجتنب كل غيبه
عضيد للصاحب مجوّد وصاله
كريم واليا جاد ما لد جيبه
شاللي تبقى كان شيٍ بقاله
عاشق وتلقى في عيونه حبيبه
مغرم وبه مشغول بالدوم باله
هو قسمته في دنيته هو نصيبه
للمجد ما غيره يجوًد حباله
وإن كان فالتعليم ما هي غريبه
قايد ومهما يثقل الحمل شاله
يندر مغيبه وان حصل في مغيبه
فالمدرسه تظلم لظرفٍ طراله
مخلص وكل اللي بها يقتدي به
وطلابها عنده فحسبت عياله
تعامله قمة عسى الله يثيبه
امكمل الواحب وحق الزماله
يقوم بالواجب بعزمٍ وهيبه
ويزيد واليا قال له قول طاله
سيرة ثلاث عقود سيره مهيبه
على النقا دربه مادور بداله
يستاهل التكريم من فاح طيبه
في ساحة التعليم وهذي فعاله
وختامها باعداد من زار طيبه
صلوا على الهادي وصحبه وآله
••••••••••••••••••••••••••
طالع دخيل الله الغانمي
