هذه زوماله ذهبنا بها إلى القراقرة في حفل زفاف لهم 1427
سلام تسليم الذهب واللا كما شيك(ن) صرفله
ردية مثل الدواء من بعد دكتوره وصفله
تسليم من ربعن لكم والظفر كل(ن) يعترفله
يومننا في ديارنا كل(ن) على حده شجيع
والثانية جينا نكمل واجب الصاحب وحفله
جينا على درب الوفا والحر ما شيء(ن) يقفله
ماشي على قن الرجال وعرفهم دايم شرفله
مبروك ياراع الفرح يوم الفرح عم الجميع
رد عبدالرحمن بن سليطين القريقري رحمه الله
يامرحبا والحر فالمقياف مده ينتصفله
واللي يمد الطيب فالميزان ممدوده يضفله
وانتم وحنا في دروب العز كل(ن) قاد قفله
من سابق اﻻيام راع المد مده ما يضيع
جيتو على رحب السعد للضيف واجب ينكلفله
والحر تكميل الرجال أهل الوفا دايم هدفله
واللي يقصر خطوته عزاه حاله ينوسفله
والصقر دايم ماقفه في قمة الحيد الرفيع