آمنت بالله رب طه و الاحزاب
الواحد اللي بفقد غالي امتحني
اللي امتحني بفقد حلال الانشاب
ابوي فخري وملهمي وقت اغني
يابوي ودك فالحشا شب ماشاب
ولايشيب لوشيبت في صغر سني
وكل نور في الدنيا ليا من بدا غاب
ونورك تغيب الشمس مايغيب عني
—————-
يابوي ياللي عشت مايصك لك باب
عن القصير ومن يجيه امتعني
قصر بنيته بامر من انزل كتاب
تمشي على نهجه خطى كل سني
يبقى على طول الدهر ماله ضباب
دون الضيوف ومن بوصله يصلني
ولاهل الوفاء والطيب اسير ركاب
وابر من له ود عندك واثني
—————-
وافقت بين الناس واصلحت الالباب
يابوي واينك كل مافي حني
لاصرت واقف بين عثرات الاصحاب
حتى النوايا بينهم سمحني
رجل المواقف مع رفيقه والاحباب
له فزعتن لا جالها يحتمني
تبقين دايم روح من طيب الانساب
قضت فدنياها بصلاح وتآني
—————-
دنياي دونك كنها حرف فكتاب
مفصول عن جملة حروف التمني
والروح دونك خيمتن ما لها طناب
عجز يداويها الشجيع المبني
عز الله ان العيش من بعدكم طاب
ولا ظنتي دنياي بعدك تهني
ويالله ياللي من يناجيك ما خاب
ولا ترد من يطلبك به جرح كني
—————-
تجبر كسر مكلوم ياخذ بالاسباب
وتجعل ابوه في وحشته مطمئني
وياخذ كتابه في يمينه بلا حساب
في يوم مايفيد الرجا والتمني
وتفتح له الجنات مع كل الابواب
وتخلده في جنان خلد متهني
وتخلف لنا بالخير يارب الارباب
في روحي اللي راحت اليوم مني