لو قِصَر وقتنا هذا ولنكان طال
الحقايق مع التحقيق ناصلها

روّج الي تروّج في قضية جمال
تطلع الشمس والعالم تعاينلها

والله انا تحلينا بطيب الخصال
خِسة النفس ماغيرك تمثّلها

تتهم لك بري بالظلم زور وضلال
خل عنك المحايل خلها خلها

نعرف أهل الفتن والشر والاحتيال
القضية لها لجنة تشكل لها

ذا محمد ولد سلمان عز الرجال
شجرة الطيب دايم ما شِمَر ظلها

والله انه فكُل الكون مثل الهلال
قِمّة الدين والأخلاق محتلّها

العدو تقصُر ايدينه فطول الليال
شل ربي يديه السيّئه شلها

قول مهما تقول ولا عطيناك بال
أسفل البير منزالك وتنزلها

مابنينا سياستنا بضرب الخيال
غصب عنك الحقايق لنتوصلها

مملكتنا فهذا الكون مضرب مثال
الدول كلها فالكون تشهدلها

تاجنا يامحمد خل قيلٍ وقال
النفوس الخبيثة ذلها ذلها

ابك تاريخنا واضح بلا أيّا جدال
الدناءة ترانا منتنازلها

يا ولي عهدنا ذا الوضع محض احتيال
ذئب يوسف مبرّأ ماتمثّلها

•••••••••••••••••••••••••••

سالم عبد رب النبي الغانمي