الله من شينٍ شحني وغنيت
من هيض بالي ماخذيته سلايف
——–
البارحه يوم أدبر الليل ونيت
ونة كسيرٍ في مطيحه وخايف
——–
بأرض ٍخلا ماحوله الا العفاريت
وشهب الذياب ولافحات السفايف
——–
قفو معادينه عنه تحسبه ميت
ونحو عنه ربعه بضرب الرهايف
——–
من قو كسره عظم ساقه تفاتيت
ومن حر مايونس دموعه ذرايف
——–
ماله جدى ياكود كثر التناهيت
وعض البهوم وحسرته والحسايف
——–
وجدي من وجوده ليا أصبحت وأمسيت
الحال واحد بإختلاف الطوايف
——–
ولولا الروابع وش نبا ننظم البيت
من كثر مانسمع من الناس عايف
——–
يامنير يامشكاي لامن تشكويت
جاك الكتاب وقول ويش انت شايف
——–
ولولاك مانت بكفو يامنير مانصِيت
ولولا للدرق مايزّتبن كل نايف
——–
من سالني مبسوط مره يبالفيت
من فضل ربي ماعلينا كلايف
——–
لو الليالي مِطعمتنا حلاتيت
ومغربلتنا بالغزو والنكايف
——–
نونس غثا ونخاف هرج الشماميت
اللي تدور بالعلوم العلايف
الشاعر
سعود بن عويضه المعبدي