قصيدة مهداه من صبحي المعبدي
إلى سعادة العميد نواف بن عواض البقمي
—
وين انت يا عزام عجل وهلحين
هات القلم والبوك وخذ العلومي
——
هاض الضمير وزان مدح المدحيين
أهل المواقف طيبين السلومي
——
وهل الوفاء ومرجحين الموازين
سمو البقوم ويانعم بالبقومي
——
وخص منهو عرفتيله من سنين
ماهي بعرفة بس ليله ويومي
——
راع الوفاء والطيب والمذهب الزين
وراع الكرم والجود قرم القرومي
——
ون قلت منهو قلت طلق الحجاجين
اللي على الطاله قوي العزومي
——
نواف ابن عواض ذخر الميامين
عميد ركن من رجال اللزومي
—-
هذا وانا قولي عليه البراهين
أثبت من ثبوت أمهات الرجومي
——
ولايختلف في مدح أبو عامر ثنيه
راع الوفاء عند الرجال محشومي
——
قلته ونا صبحي حفيد الشجيعين
امعبدين ماتراخى عزومي
——
ربعي قبيلة حرب سقم المعادين
حرب الدول مروين علط السهومي
——
مروينها لا حولو فالميادين
مما تكجه من دمي الخصومي
——
ودايم وحنا للمواقف سلاطين
من دون قاصر ف القبايل عمومي
——
وصلو على ذكر النبي يالمصلين
عداد مابه ف السماء من نجومي
*******